Heol Gonwy, Bae Colwyn.
Enghraifft arbennig o ffotograffiaeth cynnar o oes y ceffyl a throl. Mae’n ddrwg gen i am y llinellau a ymmdangosodd ar y sgan.
Sylwch ar y ffordd mae’r nwyddau wedi eu hongian tu allan i’r siop ar y chwith.
Mae siop ‘Pryce Williams and Son’ ar yr ochr dde.
O na fydda’i’n haf o hyd
Dyma olygfa o’r dref o’ch ucheldir. Dwi’n hoffi’r ddynes ar waelod y llun yn mynd a’i chi terriar am dro yn ei dillad gorau.
Yr hen bentref, Hen Golwyn
Yr hen bentref, Hen Golwyn, o oes y porthmyn efallai…:-?
Prydain o’r Awyr
Mae Comisiwn Brenhinol Henebion Cymru newydd gyhoeddi gwefan gyda chasgliad digidol o luniau o’r wlad o’r awyr – aeriel photos fel rhain:
Uchod: llun o dyrfaoedd ar y prom ar ymweliad Tywysog Cymru (aeth ymlaen i fod yn Edward VIII) i Fae Colwyn ym mis Tachwedd 1923.
Nant y Glyn
Roedd yr hen rodfa yma yn Nant-y-Glyn, dan gysgod coed, yn bwnc poblogaedd ymysg ffotograffwyr cerdiau post Edwardianaidd. Un o 1909 yw hwn.
Dingle rhamantus
Llun rhamantus o’r Dingle o gasgliad y Library of Congress, UDA, 1890-1900.
Ymdroelli i’r mor
Dyma hen gerdyn post Tuck, o 1905, wedi ei liwio gyda phaent ‘tint’. Dangosir y ffordd i lawr i’r glan mor.
Dawns y Blodau
Yn edrych yn debyg i’r ferched sy’n gwneud Dawns y Blodau yn seremoniau’r Eisteddfod, dyma lun o’r 1af o Fai 1920 o grwp o ferched yn croesawu’r tywydd braf.
Cei Conwy
Dyma lun paent-olew o Gei Conwy o’r 1950au o gasgliad Colin Knowlson, perchennog Slaters of Abergele. Mae Colin a’i dad o’i flaen wedi comisiynu artistiaid lleol – dros y blynyddoedd – i lunio gwaith a gafodd ei arddangos yn ‘showrooms’ Slaters yn Abergele, Pensarn, Rhuthun, ayb. Mae gen i ofn mod i wedi anghofio enw’r artist yma, ond dwi’n hoff iawn o’r awyrgylch mae o wedi cyfleu yn y paentiad.
Imperial Hotel Bae Colwyn: ffoto o tua 1890
Ffordd yr Orsaf – Station Road – Bae Colwyn, gyda’r Imperial Hotel yn edrych yn ysblennydd.
